«Кәсіби өсу мектебі» жобасын жүзеге асыру аясында педагог психолог «Мұғалімдердің эмоционалды күйіп қалуы» коучинг-сессиясын өткізді.

Бұл кездесудің мақсаты: мұғалімдерді эмоционалды күйіп қалу түсінігімен таныстыру, реттеу дағдыларын, психоэмоционалды күйлерді дамыту, педагогикалық іс-әрекетте эмоционалдық күйзелістің алдын алу. Күйіп қалу синдромы – психологиялық, психофизиологиялық және мінез-құлық компоненттерін қамтитын жұмыс жүктемесіне маманның қолайсыз реакциясы. Мұғалімдердің эмоционалды күйіп қалу синдромы – бұл маманның уақыт өте келе ұзаққа созылатын тұлғааралық қарым-қатынастың стресстік әсеріне жауабы. Бұл «мұғалім-әріптес» жүйесінде де, «мұғалім-бала» жүйесінде де мұғалімнің іс-әрекет деңгейіне, психофизиологиялық әл-ауқатына және тұлғааралық қарым-қатынас сипатына тікелей әсер ететін мінез-құлық үлгісі мен психологиялық тәжірибелерден тұратын кешен.