Ата-аналарға педагогикалық қолдау көрсету орталығының жұмысы

Ағымдағы жылдың қазан айынан бастап мектепте «Даналық мектебі» ата-аналарға педагогикалық қолдау көрсету орталығы жұмыс істей бастады.
Педагогикалық қолдаудың мақсаты: балалардың әл-ауқатын қамтамасыз етуде мектеп пен ата-ананың өзара тиімді әрекеттесуіне жағдай жасау.
Ата-аналарға педагогикалық қолдау көрсетудің міндеттері:
 балалардың әл-ауқатын қамтамасыз ету үшін ата-аналардың педагогикалық мәдениетін, психологиялық-педагогикалық және әлеуметтік құзыреттерін дамыту үшін ата-аналарға жүйелі педагогикалық қолдау көрсетуді ұйымдастыру;
 балаларды тәрбиелеу мен дамытуда білім беру ұйымы мен отбасының өзара әрекеттесуін күшейту;
 отбасылық тәрбие процесінде балалардың әл-ауқатын қамтамасыз ету үшін ата-аналардың мотивациясын арттыру.

Орталық қызметінің қағидаттары:
 ұлттық мәдениетке, құндылықтар мен дәстүрлерге сүйену;
 гуманистік бағыттылық;
 ата-ана тәрбиесін саралау және даралау;
 қазіргі ғылым мен тәжірибенің жетістіктерін пайдалану;
 кең әлеуметтік әріптестік, білікті сарапшылар мен ресурстық ұйымдарды тарту.
Орталықтың қызметі ата-аналардың және балалардың басқа да заңды өкілдерінің балаларды тәрбиелеу және дамыту мәселелері бойынша құзыреттерін дамытуға бағытталған.
       Бүгінгі таңда әрбір отбасына өз әлеуетін іске асыруға көмектесу және ата-аналар кездесетін мәселелерді шешуге көмектесу маңызды. Келесі факторларды ескеру қажет:
1. Әрбір отбасында күшті және маңызды практикалық дағдылар бар.
2. Отбасы біріксе, олар күшейіп, қиындықтарға төзімді болады.
3. Қиын уақытта да ата-аналардың көпшілігі балаларын жақсы көріп, қамқорлық жасауға бейім.